بستان قصر تاروت
رمضان 2024 - 2025
البوابة الأولى اللي طلع منها عتيك إلى الناس عن قُرب. يسمعونا، نسمعهم، حسينا لأول مرة بأثر فكرتنا في قلوبهم. كل قطعة لها ذكرى في كل قلب من أهالي المنطقة. لمسنا لأول مرة صدى فكرتنا في قلوبهم ولمعة عيونهم. وهالشي خلانا نتحمس نشارك في السنة اللي بعدها. عشرة أيام شفنا فيها الناس اللي تعرفنا عليهم وناس جديدة انضمّّوا لعائلة عتيك في المشاركة الثانية. شاركونا فخرهم فينا وفرحتهم بتطور مشروعنا.
البخنق
ساحة القلعة، رمضان 2025
مكان جديد، جمهور مختلف لكن بنفس الروح. تفاعلهم وحبهم انعكس علينا وعطانا طاقة نوصل لهم حبنا لعتيگ وإيماننا به إنه بيكون شي كبير.
تجربة مختلفة علمتنا إن عتيك صار له اسمه، وصارت تجيه دعوات مشاركة وتعاون، بوث عتيك والبخنق كانوا واحد. أسبوع بالقرب من بيت الدعلوچ اللي هو أحد المعالم اللي بدينا بها ومن المنتجات الأولى في مجموعتنا.
غبقة بنساي
رمضان 2025
فعالية جديدة علينا من ناحية المكان وحجمه ومدته القصيرة، كنا أقرب للناس. ريحة القهوة في المكان مع أجواء شهر رمضان وفوانيسه، كلها صنعت جو دافئ يشبه روح “عتيك”.
في هالليلة، حسينا إن “عتيك” ما صار بس فكرة تُُعرض.. صار جلسة تُُعاش.
وسط الرامس
العوامية
بالتعاون مع بلدية القطيف، شاركنا في إحتفالية اليوم الوطني 95 داخل حي المسوّّرة بالعوامية. هالمكان المحمّّل بالذكريات والتاريخ اللي ينبض بالحكايات. هالمرة جدرانه تلونت بلون السعودية الأخضر، رسالة تدمج الفن والتراث بهوية وطننا الغالي، وإن القطيف حاضرة بكل تفاصيلها وناسها في يوم الوطن.